新的網誌

我已搬到

http://hk.myblog.yahoo.com/samtungmk/

二十周詳細超聲波檢查

不經不覺細B已經20周了，因公立醫院不為第二胎的媽媽提供服務，所以要到私家診所檢查。 因為是做詳細檢查，所以今次醫生好細心咁用超聲波睇身體每個器官及組織的成長，只見細B將手指放入口中，好似好開心咁，當醫生用scanner掃過媽媽肚皮時，見到細B仲條脷出來，真係好 cute！ 最後醫生話細B健康，身體發展正常，成長比例介乎 20 至 21周，合乎標準，爸爸媽媽聽到當然放心啦。

食啫喱，好開心

夜闌人靜，謙謙哥哥瞓咗覺，媽媽終於可以休息一吓，食吓自己過的啫喱，食完好安樂咁坐在cushion上時，細B就開始在媽媽肚內手舞足蹈，好似好興奮好開心咁。 爸爸話可能細B有得食啫喱好開心，媽媽話細B食甜嘢好似謙謙哥哥一樣咁“HYPER”！

新服務 - 爸爸有得剪臍帶

10月3日，早上下起大雨來，媽媽要去廣華醫院覆診，因為雨下得大，爸爸擔心媽媽一個人出街，所以早上請了假陪媽媽覆診。 在巴士站等車，見到謙謙坐在保母的私家車上經過，小謙謙又有得出街食早餐+行街街啦。去到廣華醫院，等了一陣見助產士小組的姑娘，姑娘幫媽媽做身體檢查，又聽細B的心跳聲 【D聲音似細B含住水講嘢多過似心跳聲】，然後再講解驗血報告。 接着姑娘問爸爸是否陪產，爸爸當然話陪啦，姑娘再問爸爸剪不剪臍帶，吓！公立醫院都有得剪臍帶？姑娘話係參加助產士小組的媽媽先可以比爸爸剪臍帶，爸爸話有得剪一定剪，兩年前謙謙出世無得剪，今次一定要剪，媽媽就話你驚唔驚呀？爸爸話好似剪腸粉咁，唔洗驚，。

我又想玩

昨天爸媽及謙謙哥哥約了喬姐一家去迪士尼玩，當他們去玩飛碟時，我就踢媽媽肚，媽媽就知道我都想玩，哈哈！媽媽真係同我心靈相通呀！

Auntie Samantha 又有咗

零晨1:30 ，當爸爸工作完 check 吓 email，收到一位身在美國的好友 Samantha 的信息 ，好開心 Samantha 又懷孕了 ，同爸爸媽媽一樣心口有個『勇』字生多一個BB ，在此希望 Samantha 經常保持心境開朗 ，SebSeb 弟弟聽教聽話 ，爸爸、媽媽、謙謙哥哥及我一定會在禱告中求 神保守你平安 ！

1. 唔知 Samantha 肚裏的是皇子定係公主 ？
2. 點解 Samantha 大住個肚都可以去夏威夷旅遊，仲可以晨早上山睇日出，真係比100個『服』字你。

終於開估啦

終於開估啦，個個人都問爸爸媽媽想生個仔仔定囡囡，大家唔洗估啦，醫生照到是個男丁，謙謙哥哥終於有個細佬陪玩陪成長，媽媽就小咗個機會幫BB買靚衫靚裙扮靚靚，爸爸就可以save返小小money。不過以上的全是說說笑，因為無論是仔仔或囡囡，都是 神所賜的福份，爸爸媽媽都會珍惜這福份，愛護這將降臨人間的小天使。

日子一天一天的過去，感謝 神的愛保守弟弟健康的成長。

9 July 2007 Ultrasound photos

7 August 2007 Ultrasound Photos

3 September 2007 Ultrasound Photos

再一次証明媽媽肚內的是一位男孩子！